Skip to content
Речиси една недела по разорниот земјотрес со јачина од 7,8 степени според Рихтеровата скала што ги уништи животите на милиони луѓе на површина од 100 квадратни километри во Турција и Сирија, очајничката потрага по преживеани продолжува.
Земјотресот се случи пред зори минатиот понеделник, кога повеќето луѓе беа дома в кревет.
Во спомен на жртвите од разорните земјотреси во Турција и Сирија, Македонија го прогласи 13 февруари за ден на жалост.
Во нашата држава и пред дипломатско-конзуларните претставништва знамето е истакнато на половина копје.
Одлуката ја донесе вчера Владата, како израз на солидарност и почит за големиот број загубени човечки животи предизвикани од катастрофалниот земјотрес што се случи во Турција и Сирија, на 6-ти февруари.
По една недела од земјотресите официјалниот биланс на смртни случаи изнесува 33.000, бројка што сигурно ќе се зголеми со толку многу домови во двете земји претворени во урнатини.
Земјотресот ги погоди областите на Сирија кои се под владина контрола, како и делови од северозападниот дел на земјата под контрола на бунтовниците. Еден од најголемите предизвици за агенциите за помош беше да преговараат за политичкиот миг и во многу области првата помош е минимална.
Сепак, најголемиот дел од жртвите се во Турција. Антакија, град кој некогаш живееле 400.000 жители, е речиси целосно уништен.
Среде уништувањето и очајот, спасувачките тимови сè уште трагаат по преживеани, а во некои случаи нивните напори сè уште се наградуваат со пронајдени лица.
-Кога ги прашувам дали имаат енергија да продолжат, тие одговараат дека мора да продолжат поради нивната вера и нивната љубов кон својата земја, вели репортерката на Еуроњус.
Околу 13 милиони луѓе се директно погодени од катастрофата што се прошири низ област што е поголема од многу европски земји.
Ситуацијата во Антакија останува многу хаотична со патишта и улици целосно блокирани од урнатините, под кои има уште илјадници, ако не и десетици илјади заробени под нив.
(НоваТВ)
