Путин и Лавров побрзаа да ја украсат новогодишната елка во ОН со старите дезинформациски украси

За време на неговиот говор на Неделата на високо ниво на Генералното собрание на ОН, рускиот министер за надворешни работи Лавров рано ја започна празничната сезона и украси вистинска дезинформативна елка со избор на антизападни, анти-ЕУ и про-Кремљ украси.

Шефот на Лавров, Путин не можеше да дојде во Њујорк затоа што го бараат за депортирање на украински деца. Не сакајќи да му дозволи на својот потчинет да биде подобар во дезинформациите, Путин додаде неколку невистини и искривувања на дрвото што го постави Лавров.

Руските наративи за дезинформации се како украси од подрумот од година во година. Речиси не се менуваат, не се многу имагинативни, а нивниот ефект се заснова на препознатливост и повторливост. За секое неточно тврдење кое Лавров го изнесе во својот говор, имаме стотици примери во нашата база на податоци за дезинформации што го негираат.

Старото добро „Овини го Западот“

Почнуваме со обвинувањето дека сè што е лошо е предизвикано од желбата на „Западот“ да доминира со светот. Лавров го спомна ова во врска со речиси секоја тема што ја зборуваше во врска со Блискиот Исток, Украина, реформите на ОН и Советот за безбедност на ОН, индо-пацифичкиот регион, војната на Русија против Грузија и односите меѓу Ерменија и Азербејџан.

Терминот „Запад“ е широк или матен, што е погодно ако се обидувате да создадете имагинарен непријател. Кремљ обично го користи за да ги опише САД, Обединетото Кралство и ЕУ. Руските дезинформации се опседнати со заговори на Обединетото Кралство или „Англосаксонците“ за да влијаат на светските работи. Овој поим е инаку застарен и повеќе одговара за времето пред Втората светска војна или за време на Студената војна. Всушност, дури и теоријата на заговор што Лавров ја користеше за да ја потврди оваа идеја во својот говор вклучува британски документи од 1945 година.

Митот за „НАТО експанзионизам“

Како одговорен за сè, Западот е, според говорот на Лавров, особено одговорен за руската брутална инвазија на Украина во целосен обем. Прво, го прекрши, според него, ветувањето дека нема да се прошири НАТО. Идејата за „Експанзионизмот на НАТО“ е уште една дезинфо приказна која Русија се обидува да ја направи вистинита повторувајќи ја повторно и повторно и повторно. Всушност, самата идеја за „проширување на НАТО“ е дел од дезинформациите.

Независните земји се слободни да ги користат своите суверени права да креираат сопствена надворешна политика и да бараат свои безбедносни аранжмани како што им одговара. Ова вклучува, доколку тие така одлучат, да се пријават за влез во НАТО и да се посветат на основните принципи на Алијансата за демократија, слобода и владеење на правото. Никој не може да вети дека НАТИ нема да се прошири бидејќи така не функционира НАТО.

Добрата Русија, заштитничка на луѓето

Лавров се обиде да ја оправда руската брутална инвазија на Украина со искривување на поглавјето од Повелбата на ОН во кое се прокламира обврската за почитување на самоопределувањето на народите. Оваа манипулативна приказна вели дека жителите на привремено окупираните украински територии избрале да станат дел од Русија и дека украинскиот народ и особено рускојазичното население мора да бидат заштитени од украинската агресија.

Самоопределувањето, се разбира, не е нешто што државите можат да го изберат за териториите на нивните соседи. Повеќе од апсурдно е да се слушне руски политичар да го прави ова тврдење додека неговиот режим секој ден многу напорно се обидува да ги уништи Украинците, Кримските Татари и другите затоа што се осмелиле да го искористат самото право на самоопределување што Кремљ тврди дека го смета за суштина за нивната инвазија на Украина.

Старо вино во стари мешини

Дезинфото поврзано со привремено окупираните територии на Украина беше и украсот што самиот Путин одлучи да го закачи на дрвото на Лавров. Тој им го „честиташе“ на жителите на привремено окупираните области на Украина „Денот на обединувањето со Русија“ и ги повтори истите лаги дека ги спасил од „неонацистичката диктатура во Киев, поддржана од Западот“.

Притоа, Путин откри еден од неговите омилени дезинфо-украси за елката: тврдењето дека „западните елити“ ја подготвуваат украинската армија да ги нападне регионите окупирани од Русија Донбас и Крим, и дека тоа била причината Русија да ја започне нејзината инвазија.

Оваа лага се обидува погрешно да ја претстави моменталната поддршка за украинската самоодбрана како причина за агресијата на Русија. Лажните тврдења на Путин се повторуваа исто како и остатокот од говорот на Лавров во ОН.

Саботери и терористи насекаде

Лавров тврдеше дека саботажата на гасоводот „Северен тек“ е заговор на Соединетите држави за поткопување на конкурентноста на ЕУ. Всушност, Соединетите Американски Држави и ЕУ се блиски економски партнери и истрагите за Северен тек сè уште се во тек.

Тој лажно ги обвини западните земји дека се одговорни за глобалниот тероризам и дека започнале војна со санкции против повеќе земји во светот. Всушност, антитероризмот е област на која НАТО и Русија порано работеа заедно.

Западните санкции имаат за цел да ја спречат руската воена машина да убива украински цивили, како што направија за време на масакрот во Буча. За ова злосторство Лавров во истиот говор го обвини и Западот.

Единствениот вистински мир е мирот на Путин

Една од главните цели на ОН е да се обезбеди мир во светот, но немаше ништо во говорот на Лавров што укажува на тоа дека Русија е заинтересирана наскоро да стави крај на својата воена агресија против Украина. Тој ги отфрли украинските мировни иницијативи како „ќорсокак“ и ја повтори лагата дека планот за помирувањењ на Путин од јуни 2024 година е реален, додека тој само претставува повик за украинско предавање. За Кремљ, отфрлањето на напорите на Украина за праведен и траен мир оди рака под рака со кодошењето на Планот за победа на Зеленски и лажното обвинување на Украина дека се обидува да го вовлече НАТО во директна војна со Русија.

Царот нема пријатели

Лавров го злоупотреби своето време за говор во ОН за да пласира очигледни невистини и искривувања, кои потоа би можеле да се засилат од страна на про-Кремљ медиумите и изворите на дезинформации. Но, тој имаше уште една важна мисија во Њујорк: да ја проектира сликата дека Русија не се претворила во сè поизолирана параја на меѓународната сцена.

Кремљ сака да се замислува себеси како водечки член на „глобалното мнозинство“ на поранешните колонизирани земји во Америка, Африка и Азија. Забелешките на Лавров за „неоколонијалните практики“ на западните земји веројатно требаше да им се допаднат на претставниците на овие нации.

Реалноста на изолацијата на Русија уште еднаш беше прикажана кога нејзините дипломати не успеаја да го запрат амбициозниот план на генералниот секретар на ОН, Антонио Гутереш, чија цел беше заживување на ОН. За предлогот гласаа 143 држави, а против беа само Русија и само шест други земји.

Русија – дел од Стара Европа

Гафот беше очигледно болен за Лавров, кој го спомна уште на почетокот на својот говор. Тој, исто така, беше вознемирен што Гутереш го потсети светот дека ставовите на Русија се неправедно третирани од сегашната поставеност на Советот за безбедност на ОН бидејќи има три европски постојани членки на Советот за безбедност на ОН и ниту една од Африка.

Лавров на својата прес-конференција рече дека го прашал Гутереш дали „навистина верува дека сме во ист пакет со Лондон и Париз. Тој рече, добро, што си уште?

Верувањето во сопствените измами е една од работите што ги прави дезинформациите толку опасни. Целите на дезинформации може или не може да бидат под влијание. Но, оние што шират лаги порано или подоцна ќе почнат да им веруваат на сопствените лаги. Последиците можат да бидат страшни.

Извор: EUvsDisinfo