Речиси половина од произведената храна во Европа завршува во ѓубре

Последните податоци на Евростат покажуваат дека Европската Унија во 2022 година произвела 59,2 милиони тони отпад од храна, што е во просек 132 килограми по жител. Најголем дел доаѓа од домаќинствата. Како што изјави Билјана Борзан од Комитетот за заштита на потрошувачите, новите податоци се загрижувачки, објави Политика.рс.

– Речиси половина од храната произведена во Европа завршува во ѓубре, додека милиони граѓани не можат да си дозволат квалитетни оброци. Посебно ме загрижува тоа што домаќинствата сносат најголема одговорност, но виновна е и целата прехранбена индустрија, од производство до дистрибуција – рече Борзан.

Таа побара од Европската комисија да донесе конкретни мерки за намалување на отпадот за да се постигнат поставените цели до 2030 година. Таа истакна дека Данците развиле технологија која го намалува расипувањето на млекото во производството, што покажува дека прехранбената индустрија може да биде поодговорна. Англија воведува обврска за компаниите кои до 2025 година ќе треба да ја одделат храната за отпад за да ја намалат што е можно повеќе.

Затоа ЕУ, според експертите, мора да ги следи овие примери и да обезбеди храната, наместо таа да стане ѓубре, да се претвори во биоенергија или ѓубриво. Во светот, инаку, се фрла три пати повеќе храна отколку што е потребно за да се нахранат гладните – околу 1,3 милијарди тони годишно завршуваат во ѓубре.