Skip to content
Германскиот канцелар Олаф Шолц изрази уверување дека коалициските преговори за решавање на буџетската криза во земјата и затворање на минусот од повеќе милијарди евра за 2024 година наскоро ќе бидат финализирани.
„Постигнавме толку голем напредок што можеме да бидеме многу уверени дека наскоро ќе можеме да ви го соопштиме резултатот“, рече Шолц за тешките преговори со министерот за финансии Кристијан Линднер и вицеканцеларот Роберт Хабек.
Портпаролот на Владата на Шолц ги опиша разговорите како „многу напреднати“ и дека многу прашања веќе се решени во доверливите преговори.
Германската влада се соочува со буџетска дупка од околу 17 милијарди евра (18 милијарди долари) за следната година како резултат на историската судска одлука со која беа укинати плановите за трошење.
Уставниот суд на Германија ги отфрли плановите за пренамена на 60 милијарди евра првично позајмени за време на пандемијата на коронавирус за климатски проекти. Судот пресуди дека планот ги прекршува строгите уставни правила за државното задолжување.
