Шведска го поддржува Марк Руте за следен генерален секретар на НАТО

 – Шведска е меѓу земјите-членки на НАТО кои сакаат холандскиот премиер Марк Руте да ја води воената алијанса по истекот на мандатот на генералниот секретар Јенс Столтенберг во октомври.

„Марк Руте е мудар лидер со солидно искуство“, рече шведскиот премиер Улф Кристершон.

„Во време дефинирано со растечка неизвесност и влошена безбедносна политика, потребен е силен НАТО кој преку одвраќање и заштита ќе придонесе за безбедноста на сите сојузници и за промовирање на мирот и слободата“, додаде тој.