Турција на Приштина и испорача дронови камиказе: Може да носат бомби од 5 кг

Дроновите камиказе што Турција ги испорача во Приштина, може да носат бомба од 5 кг.

Косово се опреми со контингент од околу 1.000 борбени дронови „Skydagger RTF 15“ кои денеска пристигнаа на аеродромот „Адем Јашари“ во Приштина.

Овие дронови се произведени во Турција, а договорот за нивна набавка е потпишан во декември минатата година со познатата турска компанија „Bajkar“.

Карактеристики на дроновите

„Skydagger RTF 15“ се издвојува како високо-перформансен уред, дизајниран да ги задоволи потребите на професионалните мисии, без разлика дали станува збор за надзор, дистрибуција или специјализирана употреба.

Овој дрон комбинира брзина, стабилност и капацитет на носивост, обезбедувајќи сигурно решение за различни воздушни операции.

„Skydagger RTF 15“ овозможува максимално време на лет до 36 минути, што го прави погоден за подолги, континуирани операции. Со товар, дронот ги одржува своите перформанси и овозможува лет до 14 минути, додека максималниот радиус на дејствување достигнува до 10 км, што е значајно растојание за извидувачки мисии, дистрибуција на опрема или далечински патроли.

Со максимална брзина од 130 км/ч, „Skydagger RTF 15“ гарантира брза мобилност и моментален одговор во различни оперативни ситуации. Ова го прави идеален за итни мисии, каде што времето е критичен фактор, пишува Телеграф.

Една од главните предности на овој дрон е неговиот товар, кој достигнува до 5 кг.

Ова овозможува транспорт на разновидна опрема, материјали или сензори, претворајќи го „Skydagger RTF 15“ во разновидно решение за различни оперативни потреби.

Премиерот на Косово, Аљбин Курти, објави дека овие дронови, познати и како RTF (Ready to Fly) FPV, се борбени дронови опремени со експлозивни направи, наменети за таргетирање на подвижни и статични непријателски цели.

Дронот може да се користи и за широк спектар на професионални активности, вклучувајќи: надзор и мониторинг на оддалечени области, дистрибуција на лесни материјали на значителни растојанија, пребарување и спасување, како и техничка контрола и инспекција на критична инфраструктура.