Skip to content
Откако Германија делумно го легализираше канабисот во април, бројот на криминални дејствија поврзани со дрогата значително се намали во главниот град на Германија Берлин, според здравствената управа на градот.
Полициската база на податоци на Берлин забележа 1.685 кривични дела според Законот за канабис помеѓу почетокот на април и крајот на октомври, вклучително и недозволена трговија или недозволено поседување, соопшти агенцијата како одговор на прашањата на локалниот пратеник од Партијата на зелените, Васили Франко.
Властите, исто така, забележаа 81 административен прекршок, вклучително и прекршување на зоните за забрана за консумирање марихуана.
За споредба, во истиот период во 2023 година биле пријавени 5.315 кривични дела.
Пушењето марихуана или хашиш е дозволено во Германија од 1 април, но оддалеченоста од децата и младите мора да се одржува на јавни места, како и од дневните центри, училиштата и игралиштата.
На возрасните им е дозволено да носат 25 грама марихуана, но носењето повеќе од 30 грама е казниво со закон. Корисниците можат сами да одгледуваат марихуана во ограничени количини или да се приклучат на таканаречените клубови за сподедлување на канабис чија бројка е во раст.
Продажбата и набавката на марихуана се уште се забранети.
„Спротивно на сите застрашувања, законот за канабис веќе покажува првичен успех по само неколку месеци. Декриминализацијата треба да значи дека корисниците на канабис повеќе не се непотребно гонети, криминализирани и стигматизирани“, рече Франко.
Речиси 80% од прекршоците поврзани со марихуаната од легализацијата се прекршоци за користење, тој истакна: „Тие ќе бидат целосно елиминирани на долг рок, со што ќе се олесни товарот на полицијата и судството“.
