Skip to content
СДСМ поднесува нова претставка до Советот на честа при ЗНМ за последните закани од Бранко Героски, главен уредник на порталот Плусинфо.мк, информираат од оваа партија.
Во свој авторски текст „Јебо вас „српски свет“, будали едни!“ но и преку објави на социјалните мрежи, се истакнува во соопштението, освен бројните навреди, Героски упати и директна закана по животот и телесниот интегритет на членови на СДСМ: „Ве чекам на нишан“.
Во реакцијата се наведува дека пред објавувањето на заканувачкиот текст, во повеќе наврати Героски објави креирани фотографии од себе со оружје на својот приватен Фејсбук профил. Во комбинација со јавно изречените зборови „Ве чакам на нишан“ ја потврдува намерата и не може да се сфати во каков било друг контекст, освен како директна закана, оценувеат од СДСМ.
СДСМ наведува повеќе точки од Кодексот на новинарите, според кои за нив, јавните закани не се критика и сигурно не се дел од професионалното новинарство.
Тие се во целосна спротивност со повеќе одредби од Етичкиот кодекс на новинарите, укажуваат од СДСМ, и посочуваат на следните:
* Член 10 – „Новинарот нема да говори со јазикот на омразата и нема да поттикнува на насилство и дискриминација по која било основа.“
* Член 15 – „Новинарот мора да ја негува културата на говорот и етиката. Неспојливо со новинарската професија е непримерната комуникација со јавноста.“
* Член 16 – „Новинарот нема да го употреби својот медиум за пресметка со личности.“
СДСМ очекува соодветна и принципиелна реакција од ЗНМ, како водечка национална новинарска организација која треба да биде гарант за слободата на говорот, независноста на медиумите и почитувањето на највисоките професионални и европски стандарди во новинарство.