Македонија прва на Балканот по број на граѓани со свој дом, покажува Евростат

Според најновите податоци на Eurostat, Македонија има највисока стапка на сопствено домување меѓу земјите на Балканот, со речиси 87 % од населението што живее во свој дом. Овој процент ја издвојува земјата во регионот и ја става пред останатите балкански држави по овој показател.

Податоците покажуваат дека во Европската унија околу 68 % од луѓето имаат сопствен дом, додека во Македонија стапката достигнува околу 87,1 %, што е значително повисоко од европскиот просек. Процентот на лица што живеат под кирија е релативно низок, околу 12,9 %, што укажува на традиционалниот модел на домување на Балканот.

Во регионален контекст, Албанија, Хрватска и Србија исто така имаат високи стапки на сопствено домување, но Македонија се издвојува како земја со најголем удел на граѓани со свој дом.

Овие податоци ја нагласуваат разликата во структури на домување меѓу Балканот и Западна Европа, каде изнајмувањето станува сè почесто.