Skip to content
Стана редовна пракса да се блокираат или да се прават манипулации со деловникот са за да се избегнат одговорите на пратеничките прашања на СДСМ, истакна претседателот на СДСМ Венко Филипче на брифингот со новинарите во седиштето на партијата.
„Последната блокада ја видовме вчера кога стана јасно дека е договорено сценарио непочитувањето на деловникот од страна на потпретседателката на Собранието Весна Бендевска кога со паузи и одлагања на продолжението на седницата му овозможи на Мицкоски да ги избегне одговорите на прашањата на пратенците“, појасни Филипче.
Собранието се претвори само во гласачка машинерија, рече Филипче, не се закажуваат седници на комисиите, се поднесуваат закони по скратена постапка, не се почитува дневниот ред.
„Ништод од СДСМ не се става на дневен ред. Ниту да се расправа за тоа, не мора да се прифаќа. Затоа ќе поднесеме интерпелација за претседателот на Собранието. Интерпелација ќе има и за министерот Иван Стоилковиќ за неговото однесување кон пратениците во Собранието“, најави претседателот на СДСМ Венко Филипче на денешниот брифинг со новинарите.
