Хрватскиот министер за одбрана, Баножиќ тешко повреден во сообраќајна несреќа

 Хрватскиот министер за одбрана Марио Баножиќ утрово е тешко повреден во сообраќајна несреќа во близина на градот Жупања, во која едно лице загина.

Тој управувал со своето возило во кое немало други лица и се судрил со комбе чиј возач загинал.

Според неофицијални информации, Баножиќ утрово заминал на лов.

Причините за несреќата се истражуваат.

Баножиќ од болницата во Жупања е префрлен во Клиничкиот центар во Осиек.