Клиничкиoт центар ќе добие еден директор, неколку болници ќе се спојат со здравствени домови

Министерот за здравство Арбен Таравари денеска најави дека наскоро ќе се воведе еден директор за целиот Клинички центар, а неколку болници ќе се спојат со здравствени домови.

Таравари истакна дека во 2017 година, кога бил министер за здравство, разрешил околу 30 економски директори, додека уште 10 до 15 останале неразрешени.

„Еден директор приближно примал плата од околу 1.500 евра. Со овие средства, наместо да плаќаме плата за директор кој не е неопходен во администрацијата на Клиниката, можеме да инвестираме во здравството – нови апарати, изградба на нови згради, реновирање клиники и јавни здравствени институции. Целта е да се зголеми инвестицијата во здравството, а не да се одржуваат непотребни административни позиции. Оваа цел не е нова – и во 2017 година, кога бев министер, разрешив околу 30 директори, а останаа уште 10 до 15,“ истакна Таравари.