Skip to content
Во периодот јануари – август 2024 година бројот на туристите е зголемен за 8,3 отсто во однос на истиот период лани, соопшти Државниот завод за статистика.
Кај домашните туристи има намалување за 0,9 проценти, а кај странските зголемување за 14,4 отсто.
Зголемен е и бројот на ноќевањата за 5,3 отсто, кај домашните туристи за 2,6, а кај странските за 9,3 проценти. Бројот на туристите во август годинава бил 232 576.
Од нив 48,6 отсто биле домашни, а 51,4 проценти странски туристи. Бројот на ноќевањата изнесувал 911 478 и тоа 74,3 отсто од домашни и 25,7 проиценти од странски туристи.
Интересно е тоа што во август за прв пат бројот на туристи од Романија се искачи на 5.996, иако како и во изминатите месеци најмногу туристи дошле од Турција (50.227), потоа од Србија со 9.898 и Романија. Повеќе од 4.000 туристи имало и од Холандија (4.997), Полска (4 667) и Германија со 4.537 туристи.
Најпосетени од странските туристи биле езерата и Скопје.
