Skip to content
Копретседателката на AfD, Алис Вајдел, изјави дека очекува нејзината партија да победи на покраинските избори во Саксонија-Анхалт, каде што, според ново истражување, таа има убедливо водство пред CDU на Фридрих Мерц.
Ултрадесничарската партија Алтернатива за Германија (AfD) на Германија се надева дека ќе победи на претстојните покраински избори со цел да добие моментум за победа на националните избори, изјави денес копретседателката на партијата Алис Вајдел.
„Ќе формираме влада во Саксонија-Анхалт“, изјави Вајдел во интервју за јавниот сервис ZDF, според Ројтерс. Додека водечкиот кандидат на AfD во покраината изјави дека целта на партијата е самостојно да владее во Саксонија-Анхалт, Вајдел отиде чекор понатаму и изрази увереност дека тоа ќе се случи.
Лидерката на Алтернатива за Германија, Алис Вајдел, денес изјави дека Германија, доколку нејзината партија дојде на власт, ќе ја напушти Шенген зоната и ќе ги затвори своите граници.
Вајдел го изјави ова во интервју за германската телевизиска станица ZDF, наведувајќи дека Шенген подразбира заштитени надворешни граници на Европската Унија, со отсуство на постојана контрола на внатрешните граници на земјите-членки.
Вајдел, исто така, објави дека, доколку Алтернатива за Германија дојде на власт, Авганистанците повеќе нема да бидат доведувани во Германија, додека Сиријците ќе бидат враќани во Сирија.
Неодамнешната анкета на Infratest dimap покажува дека AfD има поддршка од 41 процент, додека Христијанско-демократската CDU на германскиот канцелар Фридрих Мерц има поддршка од 24 проценти.
