Најмалку 15 бебиња загинаа во пожар што избувна во болница во Исламабад

Најмалку 15 бебиња загинаа во пожар што избувна во болница во Исламабад, објави локалната телевизија.

Пожарот избувнал во болницата на Пакистанскиот институт за медицински науки (PIMS), а според Geo TV, тој бил предизвикан од дефект во системите за климатизација, објави РТС, повикувајќи се на светските медиуми.

Во моментот на пожарот на гинеколошкото одделение имало 16 новороденчиња, од кои едно било спасено.

Пожарот избувнал околу два часа пред објавувањето на извештајот, а во болницата се во тек операции за ладење.