Skip to content
Пентагон декласификуваше нова серија документи и слики поврзани со НЛО, или неидентификувани аномални феномени (UAP).
Ова е петтото такво објавување на податоци за чудните објекти во последните месеци, објавува CBS News.
Новите 41 датотеки, објавени на веб-страницата на Пентагон за НЛО, вклучуваат документи, фотографии и видеа.
🎥🚨 Newly declassified UFO files have dropped, and TMZ has an exclusive look at startling footage. pic.twitter.com/NdDw82QvR1
— TMZ (@TMZ) August 7, 2026
Архивите доаѓаат од Пентагон, ФБИ, ЦИА, Стејт департментот и Извршната канцеларија на претседателот, при што најстарите документи датираат од 1950 година, а најновите од оваа година.
Ова е петта серија датотеки што се декласифицирани откако Доналд Трамп нареди нивно објавување со претседателски декрет претходно оваа година.
На почетокот на мај, вкупно 170 документи беа декласифицирани, вклучувајќи фотографии од „неидентификувани феномени“ направени од површината на Месечината за време на мисијата Аполо 12 во 1969 година и транскрипти од разговори меѓу екипажот на Аполо 17 во кои се опишуваат неидентификувани објекти видени од Месечината во 1972 година.
Пентагон нагласи дека објавените материјали не претставуваат доказ за вонземски живот, туку содржат „нерешени случаи“ за кои нема доволно податоци или дефинитивно објаснување.
