Протест против Хамас во Газа

Стотици луѓе денеска протестираа во градот Газа, скандирајќи пароли против „Хамас“. Демонстрацијата следи по сличен протест во Беит Лахија, во северниот дел на Појасот Газа.

Демонстрантите извикуваа „Надвор, надвор, ‘Хамас’ надвор!“ додека се собираа околу палестинско знаме кое го развеа еден од нив.

Јавните протести против „Хамас“ се ретки, бидејќи движењето со години ја задушуваше опозицијата и управува со енклавата во услови на војна со Израел.

Во минатото, „Хамас“ одговараше насилно на вакви собири, но овојпат не беа забележани директни интервенции.