27-годишен работник од тетовско почина по несреќен случај на градилиште во Центар

На 2 ноември 2024 година, во 20:40 часот, во СВР Скопје е пријавено дека околу 16:30 часот, 27-годишниот Л.Ш. од село Ѓермо, тетовско, се здобил со тешки повреди при извршување градежни работи на објект во изградба во централното подрачје на Скопје.

Поради сериозноста на повредите, Л.Ш. бил пренесен во Комплексот клиники „Мајка Тереза“, каде подоцна, околу 18:30 часот, починал.

Полицијата извршила увид на местото на настанот, а бил известен и трудов инспектор. По налог на јавен обвинител, телото на починатиот е предадено на обдукција. Истражните органи работат на расветлување на случајот.