Вучиќ се огласи за прегазувањето на студентката во Белград, но само го искористи случајот за да ги осуди блокадите

Претседателот на Србија вечерва на својот Инстаграм профил го коментираше денешниот инцидент во Белград, кога маж прегази студентка која се наоѓаше на блокада на улицата Рузвелтова.

На почетокот на видеото тој истакна дека поминале два и пол месеци од трагедијата во Нови Сад и вели дека државата си го завршила својот дел од работата, а останатото е на судовите.

„Обвинителството ја спроведе истрагата, полицијата ги собра сите информации, обвинителството поднесе обвинителен акт и сега судовите треба да ја донесат својата одлука. Во меѓувреме, сведоци сме на злоупотреба на трагедијата, како и обично, од страна на истите политички субјекти кои без волја на народот, без демократија и без избори сакаат да ја преземат власта. „И тоа не би било голем проблем, ако за тоа се решава преку демократско изразување на волјата на народот“, нагласи Вучиќ.

Вучиќ, пак, повторно рече дека постои внатрешен студентски конфликт кој трае со денови и дека некои го користат за да повикуваат на насилство врз политичките неистомисленици. Тој додаде дека уште поголем проблем се инцидентите кои се случија во Белград каде беше прегазена осумнаесетгодишна девојка, но овој настан го поистоветува и со конфликтот меѓу граѓани и постара жена во Нови Сад. Во тој инцидент една постара жена ги навредувала граѓаните на блокадата по што дошло до тепачка, при што жената паднала и се здобила со полесни повреди.