Skip to content
За време на директните преговори со Украина во Истанбул, Русија побарала целосно повлекување на украинската армија од регионите Доњецк, Луганск, Запорожје и Керсон како неопходен предуслов за прекин на огнот, открива турскиот портал Хаберлер, повикувајќи се на извори блиски до преговорите.
Овие барања, кои беа поставени зад затворени врати, претставуваат многу построга позиција на Москва во споредба со претходните нацрти на мировниот договор за кој Соединетите Американски Држави преговараа со руската страна минатиот месец.
Според тие информации, без територијално повлекување на Украина нема да има прекин на воените дејствија.
Разговорите во Турција го одбележаа првиот директен контакт меѓу Москва и Киев од 2022 година, кога слични обиди не успеаја без договор. Рускиот претседател Владимир Путин лично иницираше нова рунда разговори, предлагајќи тие да се одржат без претходни политички услови.
Турскиот претседател Реџеп Таип Ердоган се согласи да биде домаќин на состанокот, кој се одржа на 11 мај во Истанбул, со надеж дека тоа би можело да биде основа за евентуален политички компромис.
Барањата на Русија далеку ги надминуваат западните предлози
Украинската страна смета дека најновите барања на руската делегација го надминуваат сето она што досега било на маса, вклучително и американскиот нацрт-договор кој е формиран во консултација со Москва. Повлекувањето од териториите што Русија ги смета за свои јасно покажува дека Москва во моментов не размислува за компромисни опции кои би вклучиле заедничка контрола или замрзнат конфликт.
