Силно невреме го зафати југозападот на Словенија и Хрватска

Обилни врнежи од дожд и силен ветер денеска предизвикаа поплави во делови од Словенија и Хрватска, а неколку улици и патишта во регионите околу Копер се целосно непроодни.

„Метео Словенија“ соопшти дека на некои места веќе наврнале повеќе од 150 милиметри дожд, при што најмногу врнежи имало помеѓу словенечка Истра и внатрешноста. Најсилно било погодено југозападното Приморје, кај границата со Хрватска, каде улици и куќи се поплавени, а сообраќајот на неколку места е во прекин. Во близина на тунелот Декани имало свлечиште кое го блокирало правецот од Чрни Кал кон автопатот.

Општината Копар апелира до граѓаните: „Ги замолуваме жителите да ги преместат своите возила од пониските области и паркинзите.“

Истовремено, и во Загреб се регистрирале обилни врнежи, проследени со грмотевици и налети на северозападен ветер. Три региони во Хрватска – Книн, Риека и Сплит – се ставени под црвен метео-аларм, додека остатокот од земјата е во портокалова зона поради можноста за невреме.