Како Грција ги користи дигиталните алатки за спроведување на забраната за продажба алкохол и тутун на малолетници?

Грчката влада во понеделникот претстави три нови дигитални алатки со кои има намера да стави крај на продажбата на тутунски и алкохолни производи на малолетници. Целта е поефикасно спроведување на законот донесен минатото лето, кој воведе задолжителна проверка на возраста на купувачите и строги казни за прекршителите, пренесува Euronews.

„Доаѓа време да ги искористиме сите алати што ни стојат на располагање, за да им овозможиме на контролниот систем и на грчката полиција да го спроведат овој закон“, изјави грчкиот премиер Киријакос Мицотакис.

Строги казни за прекршителите

Според новиот закон, компаниите кои продаваат или послужуваат алкохол и тутун на малолетници се соочуваат со парични казни од 500 до 10.000 евра. Дополнително, може да им биде одземена деловната дозвола – привремено при првиот прекршок, а трајно во случај на повторување.

Казни се предвидени и за физички лица: за продажба на алкохол или тутун на малолетници, за вклучување деца во продажба на тутун или за дозволување на нивно присуство во барови, може да се изрече парична казна, но и затворска казна до три години. Законот исто така го ограничува рекламирањето на тутунските производи, вклучувајќи ги и е-цигарите, а казните за прекршување се движат од 500 до 10.000 евра.

Дигитални алатки за спроведување на законот

За поефикасно спроведување на законските одредби, воведени се три нови дигитални решенија.

Првата алатка е онлајн регистар во кој компаниите што организираат приватни настани со присуство на малолетници – како матурски прослави – мора однапред да ги пријават тие настани.