Skip to content
Националниот музеј на романската литература во Букурешт, заедно со Амбасадата на Северна Македонија во Романија, на 6 декември во 18 часот организираат манифестација по повод Денот на македонскиот јазик во Романија.
Почнувајќи од 2018 година, 8-ми Декември добива посебно значење за македонската заедница во оваа земја и воопшто за Македонија, со донесувањето и прогласувањето на законот (бр.214/27.07.2018) со кој, во Романија ќе се одбележува Денот на македонскиот јазик.
На настапот ќе зборуваат др. Јоан Кристеску, генерален директор на НМРЛ-Букурешт, в.д.амбасадорот на Македонија во Романија Златан Беговиќ и комесарот на манифестацијата, Јане Теохаревски. Во рамките на богатата програма, реализирана од историчарот на уметност Марика Теохаревска, во 19 часот предвидено е отварање на изложбата на инфографика насловена „Макало”, на графичкиот дизајнер и типограф Ласко Џуровски. Изложбата ќе трае до 15 декември.
Манифестацијата е овозможена со финансиска помош на Лотарија на Македонија.
