Skip to content
На вонредниот состанок на Комисијата за уставни и правни прашања во Народното собрание, 100% автоматско гласање беше одбиено, објавија медиумите во Бугарија.
Пратениците од ПП-ДБ, АПС, Величие и МЕХ гласаа за автоматското гласање, или вкупно 6 гласа, додека 7 пратеници од БСП, ИТН и МРФ гласаа против. Уште 7, вклучувајќи ги пратениците од ГЕРБ и Вазраждане, беа воздржани.
Денешната средба траеше повеќе од два часа и на првото читање беа дискутирани измените во Изборниот законик. ПП-ДБ инсистира на целосно 100% автоматско гласање без хартиени гласачки ливчиња. Во исто време, партиите во владејачката коалиција се изјаснија за автоматско гласање со уреди за скенирање.
Според Венецијанската комисија, измените во Изборниот законик не се прифатливи два месеци пред изборите.
Состанокот на комисијата закажан за вчера не можеше да се одржи бидејќи редовната седница на парламентот беше продолжена за неколку часа.
Сето ова за бугарските аналитичари е сигнал дека ќе се продлабочува кризата во Бугарија бидејќи власт го отфрла 100% машинско гласање на изборите кое е главно барање на протестите низ земјата за реформи во изборниот процес.