Изгледа Орце и по трет пат ќе го смени билбордот на влезот на Скопје, кој ќе ги плати трошоците?

По сѐ изгледа градоначалникот на Скопје Орце Ѓорѓиевски и по трет пат ќе треба да го менува билбордот на влезот на Скопје. По скандалозниот направен со ВИ со коњ со пет нозе, лимен човек на него и непостоечка црква, најверојатно ќе следува ново дизајнерско решение заради притисокот на ДУИ кои реагираат на јазиците испишани на билбордот.

Добредојдето е напишано на македонски и англиски, но не и на албански, што според ДУИ, е задолжително и „во согласност со законот и со реалноста на Скопје“.

„Ова покажува дека станува збор за свесна одлука да се игнорираат албанскиот јазик и мултиетничкиот карактер на Скопје. Во двојазичен град, исклучувањето на албанскиот јазик од официјалните натписи претставува тешка политичка и институционална провокација и прекршување на законот.

ДУИ бара итна корекција на билбордите и поставување на албанскиот јазик, во согласност со законот и со реалноста на Скопје.

Доколку законот не биде спроведен, ќе ги преземеме сите правни, институционални и демократски мерки за заштита на албанскиот јазик и достоинството на Албанците.

Политичката одговорност за овој континуиран модел на игнорирање на Албанците паѓа врз ВЛЕН, кои со својата вазалност создадоа уверување дека интересите и правата на Албанците можат да се прекршуваат без никакви последици“, се вели во соопштението.

Прашањето сега е кој ќе го плати следното, трето решение, ако веќе второто, без воин на коњ со ВИ, како што рече Ѓоргиевски, бил на сметка на ангажираната компанија за изработка на билбордот.