Skip to content
Документарниот филм „Глигоров од Македонија“, посветен на првиот претседател на независна Македонија, Киро Глигоров, премиерно ќе биде прикажан на 3 септември во Филхармонија, на свеченост по повод 35 години од независноста на државата, во организација на СДСМ.
Филмот е дело на Никола Т. Калајџиски и содржи досега необјавени делови од интервју со Глигоров, во кои тој зборува за визијата, политичката мудрост и одлуките во клучните моменти од создавањето на независна Македонија.
Премиерата е закажана за 19 часот, а документарецот треба да понуди и личен поглед на Глигоров за иднината на земјата и предизвиците со кои се соочувала во првите години од независноста.
