Skip to content
Високиот претставник на ЕУ за надворешна и безбедносна политика Жозеп Борел денеска телефонски разговараше во косовскиот премиер Албин Курти и со српскиот претседател Александар Вучиќ.
Високиот претставник Борел изрази сочувство до семејството, колегите и најблиските на полицаецот кој го загуби животот за време на службената должност, а на повредените полицајци им посака брзо закрепнување, соопшти канцеларијата на Борел.
Високиот претставник на ЕУ најостро ја осуди „денешната агресија“ и го повтори својот повик до напаѓачите веднаш да се предадат и да ги ослободат верниците во манастирот Бањска, за тие безбедно да заминат. Тој повика на враќање на смиреноста и стабилноста.
ЕУЛЕКС ја следи ситуацијата на терен и е подготвен да ги поддржи косовските институции во одржувањето на стабилноста и безбедноста на сите нејзини заедници, во согласност со неговиот мандат и во тесна координација со КФОР на НАТО, се вели во соопштението.
Специјалниот претставник на ЕУ за Косово на терен е во близок контакт со властите, се додава во документот.
