Мобилна единица на Царина запленила стока заради утврдени неправилности во постапката за увоз

Денеска, во попладневните часови, на патниот правец Петровец – Скопје од страна на СВР Скопје е извршен претрес на моторно возило, кое превезувало разна стока, увозно оцаринета на Царинската Испостава Аеродром Скопје, поради сомневање дека во возилото се превезуваат наркотични средства.

Контролата е извршена со асистенција на инспектори од Секторот за контрола и истраги на Царинската управа и царинско куче. Притоа не се пронајдени наркотични средства, но констатирани се неправилности во однос на пријавената стока по увозната декларација и фактичката состојба на стоката во возилото.

Со цел да се изврши детална контрола, возилото е пломбирано и привремено задржано заедно со стоката со вкупна тежина од 1.2 тони. За прегледот е побарана асистенција и од крим полиција, а за случајот е известено и надлежното основно јавно обвинителство.

Откако ќе се изврши детална контрола и ќе се утврди фактичката состојба, ќе бидат покренати соодветни постапки.