Централната команда на американската војска (ЦЕНТКОМ) објави дека американската војска извршила напад врз три подземни складишта на јеменските бунтовници Хути во областите на Јемен кои се под контрола на групата.
Од командата соопштија дека Хутите истрелале четири противбродски балистички ракети во Црвеното Море од областите во Јемен што ги држат под нивна контрола.
Хутите напаѓаат трговски и воени бродови во Црвеното Море и Аденскиот Залив од средината на ноември како одговор на, како што наведуваат, израелската инвазија на Појасот Газа.
