Тола од Етиопија, со нов олимписки рекорд, го освои златниот медал во машкиот маратон игрите во Париз

Во возбудлив трка на издржливост и одлучност, Тамират Тола од Етиопија, го освои златниот медал во машкиот маратон на Олимписките игри во Париз во 2024 година. Оваа победа го означува првиот златен медал на игрите за Етиопија и го потврдува историското наследство на оваа нација во трчањето на долги патеки.

Тола, кој ја мина целта со време од 2:06:26 минути и со тоа постигна нов олипмиски рекор, ги надмина и врвните маратонци од Кенија и Јапонија и останатите.

Неговиот триумф во Париз е доказ за неговата извонредна издржливост и стратегија, бидејќи се одлепи од водечката група во последните километри од трката.

Оваа победа се надоврзува на славната историја на Етиопија на олимписките маратони, следејќи ги стапките на легендарните тркачи како Абебе Бикила, Мамо Волде и Гезан Абера.

Тамират Тола е роден на 11 август 1991 година. За првпат се стекна со меѓународно признание кога освои бронзен медал на 10.000 метри на Олимписките игри во Рио во 2016 година. Тој продолжи да блеска на големите натпреварувања, обезбедувајќи сребрен медал во маратонот на Светското првенство во Лондон во 2017 година, а во 2022 година го зацврсти својот статус на еден од најдобрите светски маратонци со освојувањето на златниот медал на Светското првенство во Јуџин, Орегон.