За 40% пораснал бројот на автомобили во Македонија за 5 години, доминираат дизелите

Бројот на патнички автомобили во Северна Македонија се зголеми за повеќе од 40 проценти во последните пет години, од 429.000 во 2020 година на над 615.000 во 2025 година, кажуваат податоците на Државниот завод за статистика.

Според податоците на ДЗС, дизел возилата остануваат најбројни на патиштата во Северна Македонија и со зголемување од 67 проценти за пет години, тие сочинуваат речиси две третини од вкупниот возен парк.

„Дизел возилата имаат удел од 63,8 проценти, уделот на бензинските возила се намали за 13 процентни поени на 25,7 проценти за пет години, а електричните и хибридните возила, иако брзо растат, сè уште имаат удел од помалку од два проценти. Електричните возила имаат удел од 0,3 проценти, а хибридните возила со 1,2 проценти. Уделот на возилата на течен нафтен гас останува стабилен на девет проценти“, според статистичките показатели на ДЗС.

Се додава дека во последните 10 години, повеќе од 80 проценти од увезените автомобили биле употребувани, а дека во 2025 година, на секој нов автомобил ќе има 3,5 употребувани автомобили.

„Речиси една третина од сите регистрирани возила во Македонија се наоѓаат во Скопје“, велат податоците од Државниот завод за статистика.