Skip to content
Бројот на странски туристи што ја посетиле Северна Македонија се зголемил за 19,5 отсто на годишно ниво. Во октомври земјата ја посетиле 79.930 туристи, објави поратлот SeeNews повикувајќи се на податоците на Државниот заводот за статистика.
Во октомври, 29,8 отсто од странските туристи кои ја посетиле Северна Македонија биле од Турција, 8,2 отсто од Србија и 5,9 отсто од Германија.
Бројот на домашни туристи во Северна Македонија во октомври изнесува 27.742, што е зголемување за 1,8 отсто во однос на истиот месец лани. Тие поминале 68.784 ноќевања, речиси непроменети во споредба со октомври 2023 година.
