Skip to content
Украинскиот претседател Володомир Зеленски, како и новоизбраниот американски претседател Доналд Трамп утре ќе присуствуваат на церемонијата за отворање на обновената катедрала „Нотр Дам“ во Париз.
Од Елисејската палата соопштија дека францускиот претседател Емануел Макрон утре ќе има состанок со Доналд Трамп, а потоа и со украинскиот претседател Зеленски, но украинските медиуми известуваат дека постои можност за средба на Зеленски и Трамп, надвор од официјалната програма на Макрон.
На церемонијата за отворањето на „Нотр Дам“ се очекува да присуствуваат околу 40 државни и владини лидери, помеѓу кои ќе бидат германскиот претседател Франк-Валтер Штајнмаер, италијанскиот претседател Серџо Матарела, полскиот претседател Анджеј Дуда, хрватскиот претседател Зоран Милановиќ и други. Американскиот претседател Џо Бајден нема да присуствува, но ќе биде претставуван од својата сопруга Џил Бајден.
Францускиот претседател Макрон ќе одржи говор, по што ќе бидат отворени вратите на обновената катедрала, а ќе биде прочитана и порака од папата Франциск, кој претходно ја одби поканата за лично присуство.
