Skip to content
Над 11 лица загинаа, а околу триесет беа повредени во самоубиствен напад што се случи во саботата во северозападен Пакистан, пишува Euronews .
Според информациите од полицијата и спасувачките служби, напаѓачот детонирал автомобил со експлозив на полициски контролен пункт. Портпаролот на покраинските служби за итни случаи, Билал Фаизи, потврди дека нападот се случил во округот Дера Исмаил Кан во покраината Хајбер Пахтунхва.
Одговорноста за нападот ја презеде организацијата „Техрик-е-Талибан Пакистан“ (ТТП), попозната како пакистански талибанци.
Кои се пакистанските талибанци?
Пакистан бележи зголемување на милитантните напади во последниве години, а зад голем број од нив стои ТТП. Организацијата Проект за борба против екстремизмот (CEP) ја опишува ТТП како „конгломерат“ што собира околу четириесет племенски и неплеменски милитантни групи кои првенствено се борат против пакистанската држава.
Групата е основана кон крајот на 2007 година и е сојузник на авганистанските талибанци. Тие ја вратија власта во Авганистан во 2021 година, откако ја соборија владата во Кабул, поддржана од САД. Податоците на CEP покажуваат дека милитантите на ТТП редовно ги напаѓаат безбедносните сили, цивилите и политичарите во Пакистан и Авганистан.
