Skip to content
Холандската изборна комисија денеска ја потврди победата на екстремно десничарската Партија на слободата на Герт Вилдерс на парламентарните избори.
Вилдерс, кој е познат по своите исламофобични ставови, сега треба да најде коалициски партнери за да формира нова влада.
Холандската изборна комисија потврди дека Партијата на слободата освоила 37 од вкупно 150 места во Долниот дом на холандскиот Парламент.
Како што пренесуваат странските агенции, во високо фрагментираниот политички систем на Холандија, каде што ниту една партија не е доволно силна за да управува сама, вообичаено се потребни месеци по парламентарните избори за да се формира владина коалиција.
