Skip to content
– Сајмон Харис денеска е избран за лидер на ирската централно-десничарска партија „Фин Гаел“, што му го отвори патот да стане најмладиот премиер во Ирска на 37-годишна возраст.
Харис беше единствениот кандидат да ја води партијата и да го наследи Лео Варадкар, кој неодамна поднесе оставка, на изненадување на сите, како партиски лидер и премиер.
Партијата Фин Гаел и нејзините коалициски партнери го формираат мнозинството во ирскиот Парламент.
Харис ќе може да стане премиер на 9 април кога е закажана следната седница на Парламентот.
Тој беше министер за високо образование во владата предводена од Варадкар.
