Skip to content
Генералниот секретар на ОН, Антонио Гутереш „силно ја осуди сериозната ескалација претставена со големиот напад на Израел од страна на Исламската Република Иран и повика на итен прекин на непријателствата.
„Длабоко сум вознемирен поради реалната опасност од разорна ескалација ширум регионот. Ги повикувам сите страни да покажат максимална воздржаност за да избегнат каква било акција што може да доведе до големи воени конфронтации на повеќе фронтови на Блискиот Исток. Постојано нагласував дека ниту регионот ниту светот не можат да си дозволат нова војна“, напиша Гутереш на Х.
