ОПМ предупредува: Внимавајте при пазарувањето од „Тему“

Азискиот гигант „Тему“ забележа значителна експанзија на Балканот, вклучувајќи ја и нашата земја, со бесплатна достава и пораст на нарачките од сите градови. За купувачите формирани се групи на социјалните мрежи каде се споделуваат искуства и совети. За сега, нема пријави за незадоволни купувачи.

Организацијата на потрошувачи на Македонија (ОПМ) за „Макфакс“ потврди дека сè уште не имаат поплаки за онлајн-пазарувањето од „Тему“, но предупредуваат дека потрошувачите треба да бидат внимателни.

„Иако бројни граѓани почнаа да купуваат производи преку платформата, сè уште е рано за конкретни искуства. Засега не има поплаки од македонските потрошувачи“, велат од ОПМ.

Сепак, тие напоменуваат дека платформата „Тему“ е регистрирана во странска земја и дека македонските закони за заштита на потрошувачите не се применливи. Во случај на проблеми, купувачите ќе треба да ги решаваат со продавачот. „Не можеме да се повикаме на домашните закони, ниту да поведеме постапка преку Државниот пазарен инспекторат“, додаваат од ОПМ.

Исто така, на социјалните мрежи е создадена група за луѓето кои направиле погрешна нарачка да ги продадат своите артикли. И покрај популарноста на оваа платформа, ОПМ предупредува на потенцијални ризици, бидејќи влијанието на овие производи, материјали и хемикалии врз здравјето не е тестирано.