Skip to content
Делови од Хрватска се под црвен метеоролошки аларм поради екстремно невреме со силни ветрови и обилни снежни наноси, известува порталот 24 сата.
Најпогодени се Кварнер, каналот Велебит и Централна Далмација, каде ветерот достигнува ураганска сила од 185 км/ч. Хрватскиот државен хидрометеоролошки завод предупредува на сериозни инфраструктурни штети и здравствени ризици.
Во Лика е забележано големо количество снег, а дневните температури се движат меѓу 0 и 4°C.
Бурите и снегот предизвикуваат сериозни проблеми во сообраќајот низ земјата, додека ураганските ветрови дополнително ја влошуваат ситуацијата, активирајќи највисоко ниво на метеоролошко предупредување.
