Хрватите единствени во бојкотот на продавниците: Никој не очекуваше толкав револт

Советникот на здружението на потрошувачи Хало, инспекторот Јосип Келемен го коментираше бојкотот на продавниците поради поскапувањата.

Репортерката на „Индекс.хр“ влегла во Лидл на Илица, каде наишла на само неколку луѓе, што не е вообичаено за петок наутро. Празен бил и Спар во загрепската населба Чрномерац. Само неколку луѓе дошле да вратат пластичните шишиња. Инспекторот Јосип Келемен, советник на здружението на потрошувачи Хало, утрово даде изјава за ХРТ во врска со бојкотот на продавниците.

Да потсетиме дека иницијативата за бојкот потекнува од Фејсбук групата „Здраво, инспекторе“, која е поддржана од Европскиот центар за извонредност на потрошувачите (ECIP), а оттогаш ја поддржуваат здруженијата за заштита на потрошувачите, синдикатите, политичките партии, па дури и министерот за економија, пренесе Индекс.

„Исклучително сме задоволни и пријатно изненадени што граѓаните реагираа во толкав број за мирно да го изразат своето незадоволство. Луѓето се чувствуваат измамени и како будали. Дури и богатите нѐ поддржаа, тие се чувствуваат исто и тврдат дека сега плаќаат сто евра за она што порано било сто куни“.

Трговците и производителите не се најзадоволни, како и некои претприемачи. За цените се обвинуваат меѓусебно, па дури и трети лица.

„Велат дека продавниците немаат морал, што значи дека трговецот ќе направи сѐ за да го зголеми профитот. Факт е дека мора да работат и да заработат пари. Никој од нив не очекуваше таков револт, особено што првпат луѓето решија вака да се обединат. Додека во Америка се борат за секој потрошувач, овде не престанаа да ги покачуваат цените.