Нови избори на Косово се сè повеќе извесни

Парламентот на Косово и во четвртиот обид не успеа да избере нов претседател, што ја продолжи законодавната кризата која го спречува формирањето на новата влада повеќе од два месеца по изборите без јасен победник.

Според уставот на Косово, претседателот на парламентот мора да биде избран пред да се додели мандат за формирање на влада. Сепак, тоа се покажа како тешко без поддршка од опозициските партии, а политичката блокада дополнително ги откри длабоките подели во земјата.

На парламентарните избори одржани на 9 февруари, по жестока кампања во која одлегувачкиот премиер Албин Курти опозицијата ја нарекуваше “животни” и “крадци”, неговото движење Самоопределување освои најмногу гласови, но не обезбеди апсолутно мнозинство.

Опозициските партии, кои изјавија дека нема да влезат во коалиција со Самоопределувањето, делумно го обвинуваат Курти за ескалацијата на тензиите на северот на земјата, што ги наруши шансите на Косово за приклучување кон Европската унија и предизвика санкции од тој блок.

Разединетата политичка сцена може да доведе до распишување на вонредни избори подоцна оваа година ако не се формира влада, јавува Ројтерс.

Курти ја предложи за претседателка на парламентот Алјбулену Хаџиу, досегашната министерка за правда, која вчера повторно освои 57 гласа, четири помалку од потребната мнозинство од 61 пратеник.

Следната седница ќе се одржи во недела, 27 април.

Опозициските партии побараа од Курти да предложи друг кандидат ако сака нивна поддршка.

“Не постои политичка волја за конституирање на парламентот,” изјави Хаџиу по гласањето.

Според законот, парламентот мора да продолжи со седниците додека не се избере претседател. После тоа, претседателот на државата ќе му додели на Куртија мандат за формирање нова влада.

Ако Курти не успее, мандатот ќе му биде понуден на второпласираната Демократска партија на Косово. Ако ни тие не успеат, шансата ќе ја добие третопласираниот Демократски сојуз на Косово. Ако сите обиди не успеат, претседателот може да распише вонредни избори, што е исход кој го очекуваат многу аналитичари.