Skip to content
На 28 април 2025 година, масовен прекин на електричната енергија го зафати поголемиот дел од Шпанија, Португалија и делови од југозападна Франција, оставајќи милиони луѓе без струја. Прекинот започна околу 12:33 часот по локално време и предизвика сериозни нарушувања во транспортот, комуникациите и основните услуги. До утрото на 29 април, повеќе од 99% од електричната енергија беше вратена во Шпанија и Португалија .
Иако властите сè уште не се сигурни што го предизвикало овој инцидент, додека трае истрагата, електричната енергија постепено се враќа.
Општиот прекин на струја остави милиони луѓе без електрична енергија низ Шпанија, Португалија и делови од Франција во понеделникот.
Како што соопшти дистрибутерот Red Electrica, од 5:00 часот по средноевропско време, сите електроподстаници во Шпанија повторно имале струја. Според податоците на шпанската компанија, било обновено 92,1% од побарувачката за електрична енергија на копното на Шпанија.
Cheers erupt on Madrid’s Gran Vía as electricity returns after hours of blackout.#spainpower #Spain #Portugal #blackoutEurope #Blackout #Lisbon #Madrid #poweroutage pic.twitter.com/yIjD2Q1ose
— JUST IN | World (@justinbroadcast) April 28, 2025
По непроспиената ноќ, граѓаните со воодушевување дочекале кога пред зори повторно почнало „сè да се пали по дома“. Враќањето на струјата во Мадрид било поздравено со извици на воодушевување и аплауз.
Прекинот на струја во понеделникот предизвика хаос во Шпанија, Португалија и делови од Франција, оставајќи милиони граѓани во мрак.
Шпанскиот премиер Педро Санчез прогласи вонредна состојба приближувајќи се полноќ, а струјата беше вратена само во половина од земјата.
Неговиот португалски колега, Луиш Монтенегро, изјави дека властите ја истражуваат причината за прекинот, но засега „нема индиции“ дека станува збор за сајбер напад.
Хаотични сцени покажаа семејства кои седат во домови осветлени со свеќи, нарушен сообраќај, илјадници луѓе заглавени во тунели од метрото и граѓани кои не можеа да плаќаат со картички.
