Над 1.500 хектари земја изгореа во Грција

Во огромен шумски пожар што избувна во раните попладневни часови во петокот во малото гратче Кератеа, на источната периферија на Атина, загина едно лице и предизвика сериозна штета. Во пожарите во Грција изгорени се 1.581 хектари шуми и тревни површини помеѓу Кератеа и Анависос, објави „Катимерини“.

Пожарот, ставен под контрола во раните утрински часови во саботата, го одзеде животот на 76-годишен маж и оштети куќи, автомобили и имот.

Опасноста од пожари е исклучително висока во поширокото подрачје на Атина, како и во регионите Виотија и Евија.