Стивен Кинг ги откри своите 10 омилени филмови на сите времиња

Плодниот мајстор на хоророт, Стивен Кинг, откри кои се неговите 10 омилени филмови на сите времиња – и, очекувано, во листата не вклучи адаптации на сопствените книги.

Кинг ја објави листата на X (поранешен Твитер), нагласувајќи дека филмовите не се подредени според важност. Најмногу внимание привлекуваат класиците од 70-тите години – период кога Кинг бил во своите дваесетти.

На списокот се:

• Sorcerer (1977) – филм што првично доживеа неуспех, но денес се смета за ремек-дело.
• The Godfather II – шесткратен оскаровец и класика на Копола.
• The Getaway (1972) – акционен трилер со Стив Меквин и Али МекГроу.
• Groundhog Day – изненадувачка романтична комедија.
• Casablanca – култната воена романса со Хамфри Богарт и Ингрид Бергман.
• The Treasure of the Sierra Madre (1948) – вестерн класика на Џон Хјустон.
• Double Indemnity (1944) – филм ноар на Били Вајлдер.
• Jaws – првиот голем летен блокбастер на Стивен Спилберг.
• Close Encounters of the Third Kind – уште едно дело на Спилберг, за средби со НЛО.
• Mean Streets – првата соработка на Скорсезе и Роберт де Ниро.

Интересно е што повеќе од половина од овие филмови се базирани на романи, а Кинг намерно ги изостави најдобрите адаптации на неговите книги, како The Green Mile, Shawshank Redemption и Misery. Не е изненадување ни отсуството на The Shining, бидејќи Кинг одамна изразува незадоволство од верзијата на Кубрик.