Koj e Лари Елисон?

Лари Елисон, коосновач на софтверската компанија Oracle, од денес е најбогатиот човек на светот со богатство од 393 милијарди долари, надминувајќи го својот пријател и поранешен конкурент Елон Маск (384 милијарди долари), објави Forbes.

Иако Елисон не е толку познат како Маск, тој има огромно влијание во Силиконската долина и во политиката. Во текот на годината, неговата компанија Oracle забележа значителен раст, делумно благодарение на развојот на вештачката интелигенција и соработката со компании како OpenAI, создавачот на ChatGPT.

81-годишниот милијардер е познат по раскошниот начин на живот – поседува мега-jahti, приватни авиони и цел хавајски остров Ланаи, каде што отвори луксузен Four Seasons ресорт и хидропонска фарма.

Елисон има блиски врски со поранешниот американски претседател Доналд Трамп и израелскиот премиер Бенјамин Нетанјаху, а неговиот син Дејвид Елисон е новиот директор на медиумскиот конгломерат Paramount Skydance, кој управува со CBS, MTV и Paramount Pictures.

Елисон е познат и како ментор на Елон Маск, кој често го посочува како една од најпаметните личности што ги запознал.

Со оваа позиција, Лари Елисон ја зацврстува својата улога не само како технолошки гигант, туку и како влијателна фигура во глобалната економија и политика.