СДСМ во Прилеп со делегација и пораки за чување на историјата

По повод 11 Октомври партиска делегација на СДСМ положи цвеќе и оддаде почит на борците од НОБ во Прилеп.

Партиска делегација на СДСМ, предводена од заменик претседателката Фани Каранфилова Пановска, заедно со кандидатката за градоначалничка на Прилеп, Петра Лукаровска, членот на Извршниот одбор Филип Секуловски, како и пратеникот Миле Талески, оддадоа почит и положија свежо цвеќе на спомен обележјето на борците од НОБ во Прилеп, пред споменикот на Методија Андонов-Ченто, пред споменикот на Кузман Јосифоски-Питу и на Могилата на непобедените.

Темелите на македонската државност почиваат на антифашистичката борба чии идеали обезбедија денеска да живееме во слободна, модерна и демократска држава а СДСМ е наследник на тие идеали и вредности.

Да живее 11 Октомври, Денот на народното востание!