Бројот на жртви во пожарот во Хонг Конг се зголеми на 12

Дванаесет лица загинаа, а 16 се повредени во пожар што избувна во станбен комплекс во Хонг Конг, објави „Саут Чајна Морнинг Пост“, повикувајќи се на „Ројтерс“. Бројот на луѓе што сè уште се внатре е непознат, според противпожарната служба, која исто така објави дека еден од нивните членови е меѓу загинатите.

Шефот на противпожарната служба на Хонг Конг даде детали за смртта на полицаецот Хо и рече дека бил пронајден на отворен простор пред лифт во една од зградите.

Болничарите веднаш почнале да пружаат прва помош, вклучително и кардиопулмонална реанимација, но Хо бил прогласен за мртов 44 минути подоцна, рече тој.

Ванг Фук Корт се наоѓа во округот Таи По, еден од 18-те окрузи на Хонг Конг.

Станува збор за станбен комплекс составен од осум згради и речиси 2.000 станбени единици, пренесува Ројтерс.