Авганистанец е обвинет за пукањето во Вашингтон каде застрела двајца припадници на Националната гарда

Авганистанец е обвинет за пукање во двајца припадници на Националната гарда на Западна Вирџинија на само неколку блока од Белата куќа, во дрзок чин на насилство, во време кога присуството на војници во главниот град на земјата и другите градови низ земјата стана политичко жариште, јавува АП.

Директорот на ФБИ, Кеш Пател, и градоначалничката на Вашингтон, Муриел Баузер, изјавија дека членовите на гардата се хоспитализирани во критична состојба по пукањето во среда попладне. Гувернерот на Западна Вирџинија, Патрик Морисеј, ја повлече својата изјава во среда, објавувајќи дека војниците починале, велејќи дека добил „конфликтни извештаи“ за нивната состојба.

Пукањето во членови на Националната гарда на американска почва, на денот пред Денот на благодарноста, се случува во услови на судски спорови и поширока јавна дебата за употребата на војската од страна на администрацијата на Трамп за борба против она што официјалните лица го нарекуваат проблем со криминалот надвор од контрола.