Skip to content
Делови од Скопје денес, 12 февруари 2026, ќе останат без електрична енергија поради зафати во електродистрибутивната мрежа, а на една локација има и прекин во водоснабдувањето поради дефект, информираат надлежните служби.
Според најавата од ЕВН Македонија, во општина Кисела Вода без струја ќе бидат дел од корисниците на улицата „Архитект Сотир Томовски“ во период од 08:00 до 13:00 часот. Во општина Сопиште, прекин на електричната енергија е најавен за селото Говрлево од 09:00 до 11:00 часот. Во Ѓорче Петров, пак, без струја ќе бидат корисниците на улицата „101“ во населбата Волково, од 09:00 до 15:00 часот.
Покрај прекините со струјата, ЈП „Водовод и канализација“ – Скопје соопшти дека без вода за пиење од 08:50 часот се зградите број 3 и 5 на улицата „Методија Митевски“. Причината е дефект на затворач на водоводната мрежа, а водоснабдувањето ќе биде воспоставено по завршување на санацијата.
Надлежните најавуваат дека по завршување на планираните зафати и отстранување на дефектот, снабдувањето со струја и вода ќе се нормализира во наведените реони.