Skip to content
Безбедносните камери во Шангај го снимија моментот кога одеднаш се отвори огромна дупка на еден од најпрометните патишта во градот, зафаќајќи значителен дел од патот за миг.
Видеото што се прошири на социјалните мрежи ја покажува силата на уривањето на асфалтот, што предизвика паника кај возачите и минувачите кои се нашле во непосредна близина.
Локалните власти веднаш го обезбедија подрачјето и започнаа итни поправки, додека градежните инспектори ги проверуваат околните згради за да се осигурат дека уривањето не ја нарушило нивната стабилност.
Според првичните извештаи, во овој инцидент немаше сериозни повреди.
Експертите објаснуваат дека овој проблем не е од вчера. Шангај, всушност, е изграден на многу мека, тињаста почва која е полна со вода и песок. Со текот на времето, под влијание на огромната тежина на облакодерите и постојаното пумпање на подземните води, земјата почнува да тоне.